大家好
我姓孙 叫志强。志强是我的中文的名字。那你们叫我这样也可以的。
我学中文两个月了, 我只会一点点说, 一点点听。所以 让我看看六个月后我的中文学习能提高多少。
大家好
我姓孙 叫志强。志强是我的中文的名字。那你们叫我这样也可以的。
我学中文两个月了, 我只会一点点说, 一点点听。所以 让我看看六个月后我的中文学习能提高多少。
ទើបតែពីរ បីថ្ងៃនេះ នៅភ្នំពេញចាប់ផ្ដើមធ្លាក់ភ្លៀងមកខ្លាំងៗ ចំណែកឯខោអាវ និងស្បែកជើងខ្ញុំហាលពីរថ្ងៃដែរហើយ នៅតែសើមជាប់ព្រោះតែមិនបានសារវាទុកមុនចេញទៅធ្វើការ។ ហើយកំពុងសរសេរនេះ ក៏មិនដឹងថាស្អែកមានខោអាវស្លៀកទៅធ្វើការឬអត់ផងព្រោះតែមេឃនៅតែបន្តភ្លៀងឥតឈប់តាំងពីថ្ងៃមក ហិហិ។ និយាយលេងទេ តាមពិតទៅខ្ញុំជាមនុស្សចូលចិត្តភ្លៀងណាស់ (មិនមែនមានន័យថាខ្ញុំចង់ឲ្យសើមខោអាវរាល់ថ្ងៃទេណា ហិហិ)។ ខ្ញុំចូលចិត្តភ្លៀង ព្រោះថាសំឡេងទឹកភ្លៀងជាតន្ត្រីម្យ៉ាងដែលបំពេអារម្មណ៍ខ្ញុំតាំងពីក្មេងមកធ្វើឲ្យខ្ញុំឆាប់លង់លក់ ឬប្រៀបបានទៅនឹងឳសថជួយផ្សះផ្សារផ្លូវចិត្ត បន្ថយភាពតានតឹង និងអារម្មណ៍ហត់នឿយទាំងឡាយឲ្យរសាយ។
មែនហើយ ខ្ញុំសរសេរអត្ថបទនេះពេលនេះ ខ្ញុំកំពុងតែនៅកន្លែងធ្វើការនៅឡើយ ហើយក៏នឹកឃើញសរសេរអត្ថបទនេះពេលរៀងស្បើយដៃពីការងារ។ សំឡេងទឹកភ្លៀងធ្លាក់លើដំបូលស័ង្កសីនៃអាគារស្នាក់នៅរបស់បុគ្គលិកលាន់ឮប្រ៉ាវៗ ធ្វើឲ្យខ្ញុំនឹកទៅដល់ផ្ទះដំបូលស័ង្កសីនៅឯស្រុក និងអនុស្សាវរីយ៍កាលពីក្មេងៗ។ ខ្ញុំកាលណោះ ឲ្យតែមេឃភ្លៀងម្ដងៗអារម្មណ៍ខ្ញុំចាប់ផ្ដើមអរព្រួច រំភើបនឹងទិដ្ឋភាពពេលភ្លៀងធ្លាក់ខ្លាំងៗព្រោះចង់លេងទឹកភ្លៀង 😆 ។ ក្រោយពីលេងទឹកភ្លៀងឆ្អែតហើយ ក៏មកគេងដណ្ដប់ភួយគេងលក់ទៅ។ ហ៊ឺ..គ្រាន់តែគិតក៏ទទួលអារម្មណ៍កក់ក្ដៅពន់ពេក។
ប៉ុន្មានឆ្នាំចុងក្រោយនេះខ្ញុំសង្កេតឃើញថាសង្គមខ្មែរយើងហាក់បើកចិត្តទូលាយ ទទួលយកនូវវប្បធម៌ស្រឡាញ់ភេទដូចគ្នាច្រើនបើប្រៀបធៀបទៅប្រមាណជាង៥ឆ្នាំមុនដោយស្ដែងចេញតាមរយៈការគាំទ្រទៅលើបទចម្រៀង វីដេអូខ្លីៗរួមទាំងខ្សែរភាពយន្តជាដើម។ ជាក់ស្ដែងយើងឃើញមានទាំងស្ថានីយ៍ទូរទស្សន៍ និងផលិតកម្មមួយចំនួនបាន និងកំពុងផលិតខ្សែររឿងជាលក្ខណៈBoy Love និងGirl Loveជាបន្តបន្ទាប់។ ក្នុងនោះមានដូចជាផលិតកម្មសាស្ត្រាហ្វីមក៏បានផលិតចំនួនបីរឿងរួចមកហើយ មានដូចជារឿង “សង្សារខ្ញុំ” ជារឿងទីមួយ និងជាប្រភេទរឿងGLដែលមានរហូតដល់ទៅបីវគ្គ។ រឿងទីពីរមានចំណងជើងថា “មេឃខៀវ” ជាប្រភេទរឿងBL និងរឿងទីបីមានចំណងជើងថា “ស្អប់ស្មើរស្រឡាញ់” ក៏ជាប្រភេទរឿងBLដូចគ្នា។ ហើយថ្មីៗនេះក៏ឃើញមានផលិតកម្មធំមួយរបស់ប្រទេសកម្ពុជាគឺ ផលិតកម្មរស្មីហង្សមាស បានបញ្ចេញPosterមួយសន្លឹកអមដោយចំណងជើង “ស្នេហាខ្ញុំផ្លូវពីរ” ជាខ្សែរចម្រៀងភាពយន្ត ដែលយើងអាចយល់បានថា នេះជាប្រភេទសាច់រឿងបែបGLដូចគ្នា។ ដោយឡែកក្រៅពីផលិតកម្មទាំងពីរខាងលើ យើងក៏ឃើញទូរទស្សន៍ប៉ុស្តិ៍លេខ៥កំពុងតែផលិតរឿងថ្មីជាប្រភេទរឿង BL មានចំណងជើងថា “ព្រះច័ន្ទញញឹម” ផងដែរ។
ដូច្នេះតាមរយៈសាច់រឿងជាច្រើនពីផលិតកម្មធំៗខាងលើ រិតតែបង្ហាញយ៉ាងច្បាស់ពីការបើកទូលាយ និងការដែលមិនរើសអើងចំពោះស្នេហាខុសធម្មជាតិ មិនថា Gay, Lesbian, Bisexual ឬ Transgender។ 🙂
នៅសុខៗស្រាប់តែមិននិយាយរកគ្នា៧ឆ្នាំ នេះជាចំណងជើងវីដូអូមួយរបស់អ្នកនិពន្ធ អ្នកដឹកនាំ និងជាស្ថាបនិកផលិតកម្មសាស្ត្រាហ្វីមដែលគាត់ទើបតែបានបង្ហោះនាពេលថ្មីៗនេះប៉ុណ្ណោះ។ វីដេអូនេះមានរយៈពេលប្រមាណ៣៥នាទីដែលនិយាយអំពីទំនាក់ទំនងមិត្តភាពរវាងគាត់និងតារាសម្ដែង នី មុន្នីនាថ ដែលមានទាំងការចែករំលែក ភាពសប្បាយរីករាយលាយលំនឹងរឿងអន់ចិត្តនឹងគ្នារហូតធ្វើឲ្យទំនាក់ទំនងអ្នកទាំងពីរកាន់តែឃ្លាតឆ្ងាយបន្តិចម្ដង តែចុងក្រោយអ្នកទាំងពីរនៅតែមានឱកាសបកស្រាយ និងរាប់រកគ្នាដូចដើមវិញ។ ដោយឡែកមិត្តភាពខ្ញុំ…. យើងទាំងពីរចាប់ផ្ដើមរាប់អានគ្នាពេលរៀននៅថ្នាក់អនុវិទ្យាល័យ ហើយទំនាក់ទំនងយើងស្និទ្ធស្នាលបន្តិចម្ដងៗចាប់ផ្ដើមពីការចម្លងមេរៀនឲ្យគ្នា ជូនគ្នាទៅផ្ទះ ទៅណាមកណាជាមួយគ្នា ហើយសូម្បីតែសម្ភារប្រើប្រាស់ដូចជាស្បែកជើង សំលៀកបំពាក់ និងកង់ជិះទៅរៀនក៏ដូចគ្នា និងអនុស្សាវរិយ៍ជាច្រើនទៀតដែលអាចនិយាយបានថាស្និទ្ធស្នាលជាងមិត្តភាពធម្មតា រហូតអ្នកខ្លះគេមើលមកថា ពីរនាក់នេះស្រឡាញ់គ្នាទេដឹង(Gay)។ តែយើងក៏នៅតែញញឹមធ្វើធម្មតាដដែលព្រោះអ្វីដែលយើងធ្វើ គឺយើងដឹងក្នុងចិត្តរៀងខ្លួនថាទំនាក់ទំនងពិតជាគ្មានអ្វីលើសពីមិត្ត ។ យ៉ាងណាក៏ដោយ ក្រោយការជួបគឺបែក តែខ្ញុំមិននឹកស្មានថាការបែកបាក់មិត្តភាពយើងទាំងគ្មានសូម្បីហេតុផលតូចមួយដែលខ្ញុំអាចយកមកគិតពិចារណា ឬវែកញែកគ្នា។ ខ្ញុំមិនអស់ចិត្តពីហេតុដែលគាត់ផ្លាស់តុទៅអង្គុយជាមួយអ្នកផ្សេង លែងនិយាយជាមួយខ្ញុំ ហើយថែមទាំងដើរគេចមុខខ្ញុំគ្រប់ពេល ខ្ញុំក៏បានហៅគាត់ដោយត្រង់ និងផ្ដើមសំនួរមុនថា “តើយើងអាចនិយាយគ្នាបន្តិចបានអត់?”
គេតបវិញទាំងចុងមាត់ថា “ចង់និយាយអីនិយាយម៉ោ”
និយាយហើយ គេក៏ដើរហួទៅបាត់ទៅ។ ហើយខ្ញុំក៏អាចយល់បានតាមរយៈឃ្លា តបរបស់គេបែបបង្ហើរចោលថា គេពិតជាមិនចង់និយាយជាមួយខ្ញុំ។ អារម្មណ៍ខ្ញុំពេលនោះខឹងគេខ្លាំងណាស់ សឹងតែលោតទៅធាក់គេឲ្យផ្គាប់មុខពេលគេកំពុងតែដើរចេញទៅនោះ។ តែណ្ហើយ បំណាច់តែបែបនេះទៅ ខ្ញុំក៏លែងខ្វល់ទៀតដែរ(តាមចរិតដែលមិនចេះទ្រគេ)។ ចាប់ពីពេលនោះមក ពួកយើងធ្វើហីរៀងខ្លួនប្រៀបមនុស្សមិនដែលស្គាល់គ្នា និងលែងបានចួបមុខគ្នាមកដល់ពេលនេះប្រមាណជាង១០ឆ្នាំហើយ។
តាមចរិតខ្ញុំពេលនោះ បើឈ្លោះគ្នា ក៏ខ្ញុំមិនដែលនិយាយរកគេមុននោះទេ។ តែមិត្តខ្ញុំម្នាក់នេះគឺជាមនុស្សទីមួយដែលខ្ញុំនិយាយរកមុន ដោយសារតែខ្ញុំចង់ដឹងឲ្យច្បាស់ កុំឲ្យខ្ញុំគិតរកនឹកតែម្នាក់ឯងថា តើខ្ញុំបានធ្វើអីខុសទេ? តើគេខឹងខ្ញុំរឿងអី? មានអ្នកណានិយាយអីមិនល្អពីខ្ញុំប្រាប់គាត់ទេដឹង? ម្យ៉ាង គឺខ្ញុំស្ដាយមិត្តភាព ស្ដាយពេលវេលាល្អៗជាមួយគ្នាមកអស់រយៈពេល៣ឆ្នាំនោះ និងមិនចង់បញ្ចប់ដោយសុខៗលែងនិយាយរកគ្នាទាំងគ្មានហេតុផល។
ស្ទើតែភ្លេចទៅហើយថាថ្ងៃនេះជាថ្ងៃចូលឆ្នាំខ្មែរ ថ្ងៃទី១។ មែនហើយ ដោយសារអាខ្វីត (Covid-19) ទើបធ្វើឲ្យខ្ញុំត្រូវមកធ្វើការទាំងមេឃកំពុងភ្លៀង បើមិនដូច្នេះទេម្លេះខ្ញុំកំពុងតែដេកអោបខ្នើយ ដណ្ដប់ភួយ យ៉ាងស្រួលខ្លួនមិនខាន។ ព្រឹកនេះខ្ញុំគេងមិនចង់ក្រោកទាល់តែសោះ ព្រោះតែលង់លក់នឹងសំឡេងទឹកភ្លៀងបង្អុរមកទាំងពីយប់។ មានអារម្មណ៍ថា ខ្ញុំខានស្ដាប់សំឡេងទឹកភ្លៀងរណ្ដំបែបនេះយូរហើយ។ នេះប្រហែលជាមកពីខ្ញុំខានគេងលក់ស្កប់បែបនេះយូរពេកហើយដែរ បានជាភ្លៀងមួយមេនេះធ្វើឲ្យអារម្មណ៍ខ្ញុំធូរស្រាលដល់ម្លឹង។
១៣ មេសា ២០២០