大家好
我姓孙 叫志强。志强是我的中文的名字。那你们叫我这样也可以的。
我学中文两个月了, 我只会一点点说, 一点点听。所以 让我看看六个月后我的中文学习能提高多少。
大家好
我姓孙 叫志强。志强是我的中文的名字。那你们叫我这样也可以的。
我学中文两个月了, 我只会一点点说, 一点点听。所以 让我看看六个月后我的中文学习能提高多少。
ប៉ុន្មានឆ្នាំចុងក្រោយនេះខ្ញុំសង្កេតឃើញថាសង្គមខ្មែរយើងហាក់បើកចិត្តទូលាយ ទទួលយកនូវវប្បធម៌ស្រឡាញ់ភេទដូចគ្នាច្រើនបើប្រៀបធៀបទៅប្រមាណជាង៥ឆ្នាំមុនដោយស្ដែងចេញតាមរយៈការគាំទ្រទៅលើបទចម្រៀង វីដេអូខ្លីៗរួមទាំងខ្សែរភាពយន្តជាដើម។ ជាក់ស្ដែងយើងឃើញមានទាំងស្ថានីយ៍ទូរទស្សន៍ និងផលិតកម្មមួយចំនួនបាន និងកំពុងផលិតខ្សែររឿងជាលក្ខណៈBoy Love និងGirl Loveជាបន្តបន្ទាប់។ ក្នុងនោះមានដូចជាផលិតកម្មសាស្ត្រាហ្វីមក៏បានផលិតចំនួនបីរឿងរួចមកហើយ មានដូចជារឿង “សង្សារខ្ញុំ” ជារឿងទីមួយ និងជាប្រភេទរឿងGLដែលមានរហូតដល់ទៅបីវគ្គ។ រឿងទីពីរមានចំណងជើងថា “មេឃខៀវ” ជាប្រភេទរឿងBL និងរឿងទីបីមានចំណងជើងថា “ស្អប់ស្មើរស្រឡាញ់” ក៏ជាប្រភេទរឿងBLដូចគ្នា។ ហើយថ្មីៗនេះក៏ឃើញមានផលិតកម្មធំមួយរបស់ប្រទេសកម្ពុជាគឺ ផលិតកម្មរស្មីហង្សមាស បានបញ្ចេញPosterមួយសន្លឹកអមដោយចំណងជើង “ស្នេហាខ្ញុំផ្លូវពីរ” ជាខ្សែរចម្រៀងភាពយន្ត ដែលយើងអាចយល់បានថា នេះជាប្រភេទសាច់រឿងបែបGLដូចគ្នា។ ដោយឡែកក្រៅពីផលិតកម្មទាំងពីរខាងលើ យើងក៏ឃើញទូរទស្សន៍ប៉ុស្តិ៍លេខ៥កំពុងតែផលិតរឿងថ្មីជាប្រភេទរឿង BL មានចំណងជើងថា “ព្រះច័ន្ទញញឹម” ផងដែរ។
ដូច្នេះតាមរយៈសាច់រឿងជាច្រើនពីផលិតកម្មធំៗខាងលើ រិតតែបង្ហាញយ៉ាងច្បាស់ពីការបើកទូលាយ និងការដែលមិនរើសអើងចំពោះស្នេហាខុសធម្មជាតិ មិនថា Gay, Lesbian, Bisexual ឬ Transgender។ 🙂
ស្ទើតែភ្លេចទៅហើយថាថ្ងៃនេះជាថ្ងៃចូលឆ្នាំខ្មែរ ថ្ងៃទី១។ មែនហើយ ដោយសារអាខ្វីត (Covid-19) ទើបធ្វើឲ្យខ្ញុំត្រូវមកធ្វើការទាំងមេឃកំពុងភ្លៀង បើមិនដូច្នេះទេម្លេះខ្ញុំកំពុងតែដេកអោបខ្នើយ ដណ្ដប់ភួយ យ៉ាងស្រួលខ្លួនមិនខាន។ ព្រឹកនេះខ្ញុំគេងមិនចង់ក្រោកទាល់តែសោះ ព្រោះតែលង់លក់នឹងសំឡេងទឹកភ្លៀងបង្អុរមកទាំងពីយប់។ មានអារម្មណ៍ថា ខ្ញុំខានស្ដាប់សំឡេងទឹកភ្លៀងរណ្ដំបែបនេះយូរហើយ។ នេះប្រហែលជាមកពីខ្ញុំខានគេងលក់ស្កប់បែបនេះយូរពេកហើយដែរ បានជាភ្លៀងមួយមេនេះធ្វើឲ្យអារម្មណ៍ខ្ញុំធូរស្រាលដល់ម្លឹង។
១៣ មេសា ២០២០
ថ្ងៃនេះជាថ្ងៃសៅរ៍ ខ្ញុំនៅមុខកុំព្យូទ័រសរសេរប្លក់មួយនេះទាំងដែលការងារនៅមិនទាន់ចប់នៅឡើយ។ អារម្មណ៍ធ្វើការលែងមានទៀតហើយ។ ពីមុនទោះបីមានអារម្មណ៍នឿយហត់ខ្លះតែក៏មិនដែលគិតថានឹងចង់ឈប់។ តែមួយរយៈចុងក្រោយនេះ គ្រាន់តែឈានជើងចូលដល់កៅអីធ្វើការភ្លាម មុខខ្ញុំចាប់ផ្ដើមមានចំហាយក្ដៅភាយ ដូចពាំកំហឹងមកពីណាក៏មិនដឹង។ អារម្មណ៍ខ្ញុំប្រែទៅជាឆេវឆាវ តានតឹង ធុញថប់ជាមួយការងាររកថាមិនត្រូវ ដឹងត្រឹមថាចង់សម្រាកខួរក្បាល និងមិនចង់សូម្បីតែនិយាយរកនរណាម្នាក់។
ខ្ញុំពីមុនដែលចូលចិត្តលេងសើច ស្និទ្ធស្នាលជាមួយគ្រប់គ្នារហូតសង្សារគេប្រច័ណ្ឌ បែរជាមុខមិនរីកស្ទើររាល់ថ្ងៃ ខ្ញុំពីមុនដែលតែងតែបបួលគេដើរលេងបែរជាសម្ងំដេកតែក្នុងបន្ទប់ មិត្តភ័ក្រស្ទើរតែភ្លេចមុខ ខ្ញុំពីមុនដែលចូលចិត្តស្ដាប់ចម្រៀង បែរជាបើក Youtube ចាក់តែសំឡេងទឹកភ្លៀងស្ដាប់ពេលយប់។ ខ្ញុំធ្លាប់បានគិតថានឹងកែប្រែស្ថានភាពមួយនេះឲ្យប្រសើរឡើង តែខ្ញុំបែរជាមានអារម្មណ៍ថាកំពុងតែបង្ខំ និងដាក់បន្ទុកខ្លួនឯងឲ្យកាន់តែធ្ងន់ទៅ។ តើមាននរណាខ្លះធ្លាប់ជួបស្ថានភាពបែបនេះ ជួយផ្ដល់យោបល់ផង? ឬក៏ខ្ញុំត្រូវបោះបង់ការងារគ្រប់យ៉ាងពិតមែន?
ប្រហែលជាចំណូលចិត្តខាងច្រៀងលេងរបស់ខ្ញុំបង្ហាញខ្លាំងពេកហើយបានជាគាត់គ្រាន់តែដើរកាត់ឃើញរបស់នេះក៏នឹកឃើញដល់ខ្ញុំ ហើយក៏ទិញជាកាដូ ហាហាហា 😆 ។
អរគុណបង អាង សម្រាប់អំណោយ 😀 ។