អំពីខ្ញុំ

ស្វាគមន៍មកកាន់គេហដ្ឋានខ្ញុំ!!! គេហដ្ឋានខ្ញុំនេះបង្កើតឡើងក្នុងបំណងចារនូវរឿងរ៉ាវផ្សេងៗដែលបានកើតឡើងក្នុងជីវិតរបស់ខ្ញុំ(កំណត់ហេតុ) និងការចែករំលែកមួយផ្នែកតូចនូវអ្វីដែលខ្ញុំបានចេះ បានដឹង និងធ្លាប់ជួបប្រទះ ។ ម្យ៉ាង ដោយឃើញមានការចែករំលែកពីសមាជិកផ្សេងៗទៀតនៃភូមិ WordPress ដូចនេះមិនអត់ប្រយោជន៍ទេ ដែលក្លាយជាសមាជិកភូមិនេះ 😀 ។

សុំណែនាំខ្លួនវិញម្ដង៖

ខ្ញុំឈ្មោះសុផាត ជាមនុស្សសាមញ្ញដូចគេដូចឯង។ ចូលចិត្ដរាប់អានមិត្តភ័ក្រ តែមិនចូលចិត្តទ្រគេ មិនចូលចិត្តមនុស្សប្រកាន់ច្រើន។ បើគេធ្វើ ល្អ ជាមួយខ្ញុំ ខ្ញុំក៏តបស្នងវិញដោយអំពើល្អ គេហៅថារាប់អានដោយស្មោះ ;)។ ពេលខ្លះស្ងៀមស្ងាត់ តែពេលខ្លះគេហៅថា”តាប៉ែ” (លេងសើចច្រើន ) ដូចមិនសូវយល់ ដែរ :|។ ពេលទំនេរចូលចិត្ដដើរលេង និងចំនាយពេលនៅមុខកុំព្យូទ័រ ។

មានស្រុកកំណើតនៅភូមិអណ្ដូងទឹក ស្រុកបូទុមសារគរ ខេត្ដកោះកុង តែបានផ្លាស់ទៅរស់នៅស្រុកអន្លង់វែង នៃខេត្តឧត្ដរមានជ័យតាំងពីខ្ញុំអាយុបាន ១០ឆ្នាំរហូតមកដល់សព្វថ្ងៃ។ ពេលវេលាពេញវ័យរបស់ខ្ញុំគឺនៅស្រុកអន្លង់វែង ដូចនេះរាល់មនោសញ្ចេតនា និងអនុស្សាវរីយ៍គ្រប់បែបយ៉ាងគឺបង្កប់នៅទីនោះច្រើនជាងស្រុកកំណើត តែយ៉ាងណាស្រុកកំណើតគឺជាទឹកដីជាទីមនោរម្យរបស់ខ្ញុំ ដោយមានសាច់ញាតិ បងប្អូនរង់ចាំស្វាគមន៍ និងផ្ដល់ភាពកក់ក្ដៅដល់ខ្ញុំជានិច្ច ម្យ៉ាងគឺដោយសារខ្ញុំចូលចិត្តសមុទ្របំផុតដែរ។

បានរៀននៅសាលាបឋមសិក្សាអណ្ដូងទឹក(កោះកុង)
អនុវិទ្យាល័យអន្លង់វែង(ឧត្ដរមានជ័យ)
វិទ្យាល័យអន្លង់វែង(ឧត្ដរមានជ័យ)
សព្វថ្ងៃរៀននៅវិទ្យាស្ថានស៊ីតិក ជំនាញ ទឹកកកតែ(ពត៌មានវិទ្យា)

មានអ្វីចង់សួរខ្ញុំបន្ថែម ?
អាចដាក់វាថានៅខាងក្រោម
ឬ Chat៖
sophat.kk (skype)
បណ្ដាញសង្គម៖
facebook.com/sophat.kk (sophat cam)
E-mail: sophatcam@gmail.com

អរគុណដែលបានចំណាយពេលអានទំព័រអំពីខ្ញុំ 😉